चढावर चढतांना बसला ब्रेक न लागल्याने आली माघारी; भोसी रस्त्यावरील घटना

सुदैवाने जीवित हानी टळली.

       जिंतूर(अजमत पठाण):जिंतूर बसस्थानकातून 80 प्रवासी घेऊन कावीकडे जाणारी एसटी बस शेवडीच्या पुढील भोसी रस्त्यावरील चढावर चढतांना अचानक ब्रेक न लागल्याने माघारी आल्याने बसमधील प्रवाशांमध्ये मोठा गदारोळ उडाला.त्यातील काहींनी दारातून उड्या मारल्या.बस रस्त्याखाली उतरल्याने थांबली त्यामुळे मोठा अनर्थ टळला. सोमवारी(दि.10)सायंकाळी सहा वाजेच्या सुमारास ही घटना घडली.
     
       जिंतूर आगाराची बस क्रमांक एम.एच.20 बी.एल.0588 ही 80 ते 90 प्रवासी घेऊन कावी कडे जात होती शेवडी पाटी ओलांडल्यानंतर भोसीकडे ही बस निघाली.परंतु,चढावर चढत असतांना अचानक ब्रेक न लागल्याने माघारी येवू लागली,त्यामुळे हादरलेल्या प्रवाशांमध्ये एकच गदारोळ उडाला. घाबरून काही प्रवाश्यानी चालत्या बस मधून खाली उड्या मारल्या. 
      बस चालकाने ब्रेक मारून बस थांबवण्याचा प्रयत्न केला,परंतु बस न थांबता पाठीमागून येणार्‍या जिंतूर ते सावरगावकडे जाणार्‍या एम.एच.14 बी.टी.2163 या बसला धडकली अन् रस्त्याखाली उतरुन थांबली.त्यामुळे मोठा अनर्थ टळला.

      जिंतूर अगार एकेकाळी जिल्ह्यात सर्वात जास्त नफा कमावणारे आगार म्हणून प्रसिद्ध होते, परंतु, तालुक्यातील ग्रामीण भागाला जोडणार्‍या रस्त्याची अत्यंत दुरावस्था झाल्यामुळे या रस्त्यावरुन जाणार्‍या सर्व बसेस खिळखिळ्या होवून नादुरुस्त झाल्या आहेत. जिंतूर-परभणी सारख्या चकचकीत रस्त्यावर दररोज बसेस नादुरुस्त होण्याच्या घटना घडत आहेत, तर ग्रामीण भागातील बसेसची तर आणखीन भयावह अवस्था आहे.

लेखक के बारे में

अजमत पठाण

अजमत पठाण, स्वदेशी न्यूज़ 24 के प्रधान संपादक हैं और उन्हें पत्रकारिता के क्षेत्र में 8 वर्षों का अनुभव है। उनकी कुशल नेतृत्व क्षमता और समर्पण ने स्वदेशी न्यूज़ 24 को निष्पक्ष और विश्वसनीय समाचारों का प्रमुख स्रोत बनाया है। पत्रकारिता में उनकी यात्रा में उन्होंने हमेशा सच्चाई और निष्पक्षता को प्राथमिकता दी है। उनके व्यापक अनुभव और गहन विश्लेषणात्मक दृष्टिकोण ने उन्हें एक सम्मानित पत्रकार के रूप में स्थापित किया है।

See author's posts