चतुर्थ श्रेणी कर्मचारी मध्यवर्ती राज्याध्यक्ष भाऊसाहेब पठाण परभणीत

परभणी (अजमत पठाण):-

राज्य सरकारी चतुर्थ श्रेणी कर्मचारी मध्यवर्ती महासंघ महाराष्ट्र राज्याचे राज्याध्यक्ष श्री भाऊसाहेब पठाण हे परभणी जिल्ह्याच्या दौऱ्यावर येत आहेत. वर्ग 4 कर्मचारी — कायमस्वरूपी (परमनंट) असोत की कराराधारित (कॉन्ट्रॅक्ट बेस) — यांना भेडसावणाऱ्या विविध अडचणी, समस्या व शासकीय पातळीवरील प्रलंबित प्रश्न याबाबत विचारविनिमय करण्यासाठी ही महत्त्वपूर्ण बैठक आयोजित करण्यात आली आहे.

ही बैठक दिनांक 23 ऑक्टोबर 2025, वार गुरुवार, सकाळी 11 वाजता, जिल्हा रुग्णालय, परभणी येथील प्रशासकीय इमारतीच्या तिसऱ्या मजल्यावरील सभागृहात होणार आहे.बैठकीदरम्यान सर्व वर्ग 4 कर्मचाऱ्यांच्या सेवा-संबंधी अडचणी, स्थानांतर, नियमितीकरण, वेतनवाढ, तसेच शासन निर्णयांची अंमलबजावणी यासंदर्भात सविस्तर चर्चा करण्यात येणार आहे.

राज्याध्यक्ष पठाण हे या विषयांवर जिल्ह्यातील कर्मचाऱ्यांच्या सूचना ऐकून त्या शासनापर्यंत पोहोचविण्याचे आश्वासन देणार आहेत.या बैठकीत परभणी जिल्ह्यातील सर्व तालुक्यांतील वर्ग 4 कर्मचारी मोठ्या संख्येने उपस्थित राहतील अशी अपेक्षा व्यक्त करण्यात आली आहे.

या संदर्भात श्री सिराज शेख, जिल्हाध्यक्ष – राज्य सरकारी चतुर्थ श्रेणी कर्मचारी मध्यवर्ती महासंघ, जिल्हा शाखा परभणी यांनी सर्व वर्ग 4 कर्मचाऱ्यांना आवाहन केले आहे की, आपले हक्क व प्रश्न शासनापर्यंत पोहोचविण्यासाठी या बैठकीस आवर्जून उपस्थित राहावे.ह्या बैठकीमुळे परभणी जिल्ह्यातील शासकीय सेवकांच्या अनेक प्रलंबित प्रश्नांना दिशा मिळेल, असा विश्वास संघटनेने व्यक्त केला आहे.

लेखक के बारे में

अजमत पठाण

अजमत पठाण, स्वदेशी न्यूज़ 24 के प्रधान संपादक हैं और उन्हें पत्रकारिता के क्षेत्र में 8 वर्षों का अनुभव है। उनकी कुशल नेतृत्व क्षमता और समर्पण ने स्वदेशी न्यूज़ 24 को निष्पक्ष और विश्वसनीय समाचारों का प्रमुख स्रोत बनाया है। पत्रकारिता में उनकी यात्रा में उन्होंने हमेशा सच्चाई और निष्पक्षता को प्राथमिकता दी है। उनके व्यापक अनुभव और गहन विश्लेषणात्मक दृष्टिकोण ने उन्हें एक सम्मानित पत्रकार के रूप में स्थापित किया है।

See author's posts